Back Steve Buscemi Afrikaans Steve Buscemi AN ستيف بوشيمي Arabic ستيف بوشيمى ARZ استیو بوشمی AZB Стыў Бушэмі Byelorussian Стыў Бушэмі BE-X-OLD Стийв Бусеми Bulgarian Steve Buscemi Catalan Steve Buscemi CEB
Steven Vincent Buscemi (Nueva York, 13 d'avientu de 1957), más conocíu como Steve Buscemi, ye un actor, productor y direutor de cine y televisión d'Estaos Xuníos.
Ye conocíu pola so actuación en películes como Reservoir Dogs, The Big Lebowski, Fargo, Con Air, Armageddon, Ghost World, Big Fish, Delirious y polos sos caméus en películes d'Adam Sandler. Trabayó repitíes vegaes con direutores como Jim Jarmusch, Robert Rodríguez, Michael Bay, Terry Zwigoff, Tom DiCillo y hasta la fecha, ye unu de los actores que más trabayó colos hermanos Coen. En televisión, participó en series populares como The Simpsons, The Sopranos, Miami Vice, Saturday Night Live, The Adventures of Pete & Pete, ER y 30 Rock. Amás recibió nominaciones pa los premios Emmy y ganó un Globu d'Oru, cuatro premios SAG y dos premios Independent Spirit. Dacuando trabayó tamién como direutor, habiendo empobináu hasta la fecha cuatro llargumetraxes, un curtiumetraxe y dellos episodios de series televisives. Ente 2010 y 2014 protagonizó la serie de HBO, Boardwalk Empire, producida por Martin Scorsese, pola cual ganó un Globu d'Oru y dos SAG como meyor actor de televisión.
La carrera de Steve Buscemi (qu'antes de ser actor trabayó como bomberu) tuvo una crecedera gradual: primero como actor n'obres de teatru, y depués en películes independientes y de baxu presupuestu, hasta convertise nun iconu del cine independiente.[7] Depués foi alternando, trabayando en superproducciones de Hollywood (como Armageddon o The Island) ensin dexar de llau'l cine independiente, llegando en dellos casos a apaecer en seis películes nun solu añu. Conocíu en Hollywood como unu de los actores secundarios más prolíficos xunto a otros como Christopher Walken o John Turturro, destácase tamién pola so manera rápida de falar, pol so peculiar cara y pola gran cantidá de muertes que sufre nes sos películes.[8] Foi asitiáu nel puestu númberu 52 de la llista de les "100 meyores estrelles de cine de tolos tiempos" realizada pola revista Empire.[8] Pola so habilidá pa combinar la personalidá de los baxos fondos col calter derrotista, ye consideráu unu de los actores secundarios más importantes de la década de 1990.[9][10][11][12]
Como direutor fixo'l so debú cola bien recibida Trees Lounge (1996), llargumetraxe que tamién protagonizó. Les sos otres películes son Animal Factory (2000), Lonesome Jim (2005) y Interview (2007).
- ↑ URL de la referencia: http://www.aveleyman.com/ActorCredit.aspx?ActorID=2420.
- ↑ Afirmao en: Gemeinsame Normdatei. Data de consulta: 26 abril 2014. Llingua de la obra o nome: alemán. Autor: Biblioteca Nacional d'Alemaña.
- ↑ URL de la referencia: http://www.tvrage.com/Orange_is_the_New_Black/episodes/1065344590. Direición web d'archivu: https://web.archive.org/web/20160611091355/http://www.tvrage.com/Orange_is_the_New_Black/episodes/1065344590. Data d'archivu: 11 xunu 2016.
- ↑ URL de la referencia: http://www.fastcompany.com/3048378/my-creative-life/how-art-imitates-life-on-park-bench-with-steve-buscemi.
- ↑ Identificador CONOR.SI: 9244515. Afirmao en: CONOR.SI.
- ↑ URL de la referencia: https://www.europeanfilmacademy.org/2018.854.0.html. Direición web d'archivu: https://web.archive.org/web/20200225173812/https://www.europeanfilmacademy.org/2018.854.0.html. Data de consulta: 25 febreru 2020.
- ↑ «Monster House in Real D Dixital 3D» (inglés). enprimeur.ca (2012). Consultáu'l 30 d'ochobre de 2012.
- ↑ 8,0 8,1 Trivia en IMDb
- ↑ http://www.allmovie.com/artist/steve-buscemi-9838/bio
- ↑ http://www.stylusmagazine.com/articles/weekly_article/the-non-definitive-guide-to-character-actors.htm
- ↑ Error de cita: La etiqueta
<ref>nun ye válida; nun se conseñó testu pa les referencies nomaesBiografíaTCM - ↑ Higgins, Mike (22 de mayu de 1998). «Fan Facts: Steve Buscemi, star of 'The Real Blonde'». The Independent. Consultáu'l 13 d'agostu de 2013.